काठमाडौं । गत भदौं २४ मा जेन जी  पुस्ताको आन्दोलनका क्रममा बानेश्वरस्थित राष्ट्रिय बाणिज्य बैंक लुटने एक जना पक्राउ परेको प्रहरीले जनाएको छ । 
पक्राउ पर्नेमा खोटाङको साकेला गाउँपालिका–१ घर भएका शिवकुमार विक रहेका छन् । उनलाई प्रहरीले तिहारको टीकाको दिन ललितपुरको धापाखेलबाट पक्राउ गरेको जनाएको छ ।
प्रहरीले म्यागजिनसहितको चाइनिज पेस्तोलसहित उनलाई पक्राउ गरेको जनाएको छ । उनको साथबाट राष्ट्रिय वाणिज्य बैंकको ट्याग भएको ४ लाख ७८ हजार रुपैयाँसमेत बरामद भएको प्रहरीले जनाएको छ ।

उनको साथबाट बाणिज्य बैंकको ट्यागसहितको पैसा समेत बरामद भएपछि उनी उक्त दिन बैंक लुट्ने समुहका सदस्य भएको विषयमा प्रहरीले अनुसन्धान थालेको छ । उक्त दिन बानेश्वरको राष्टिय बाणिज्य बैंक लुटिएको थियो । त्यहाँबाट करोड भन्दा बढी रकम लुटिएको थियो ।