.jpg)
सिरहा । सिरहा सदरमुकाम नजिकै हुलाकी राजमार्ग छेउमा गोली हानी एक युवकको हत्या भएकाे छ। सिरहा नगरपालिका–१ का ४० वर्षीय प्रेमनाथ यादवको हत्या भएको हो ।
सदरमुकामदेखि करिब डेढ किलोमिटरको दूरीमा रहेको आफ्नै खेतमा काम गरिरहेको अवस्थामा यादवमाथि गोली प्रहार भएको थियो । गोली उनको छातीमा लागेको र घटनास्थलमै मृत्यु भएको प्रहरीले जनाएको छ ।
घटनाको जानकारी पाउना साथ प्रहरी टोली घटनास्थल पुगेर अनुसन्धान सुरु गरिसकेको छ । मृतक यादव खेती किसानीमा आबद्ध थिए । उनको हत्या कसले र किन गर्यो भन्ने विषय नखुलेकाे प्रहरीले जनाएकाे छ ।
मृतककाे शव पोस्टमार्टमका लागि प्रादेशिक अस्पताल सिरहा पठाइएको छ ।
